Nortzuk gara:
AIDATU 2017ko abuztuaren 2an sortutako irabazi asmorik gabeko erakundea da, eta honen sormena sustatu zuen helburu nagusiena, gure inguru hurbilean eta ahal den neurrian, lehen mailako arazo soziosanitario honen inpaktua gutxitzea da.
“Aidatu” terminoak, bi zentzutan adierazten du gure xedea: “Hegaldia berriro ekiteari” laguntzea, gertutik suizidioa jasan duten pertsona guztiei edo norberaren saiakeratik bizirik atera direnei, eta, aldi berean, era orokorrean suizidioaren fenomenoari aurre egiteko garaiera lortzen laguntzea.
Elkartea EAEko Elkarteen Erregistro Orokorrean inskribatuta dago AS / B / 21205/2017 zenbakiarekin (2017ko urriaren 7an) eta Bilboko Herritarren Partaidetzako Erakundeen Udal Erregistroan 1904 zenbakiarekin (2018ko otsailaren 19a).
Elkartearen kide izateko, ez da beharrezkoa arlo honen aditua edo lan-eremuaren profesionala izatea. Gure bokazioa, suizidio kopurua eta buruaz beste egiten duen sufrimendua murriztea da, giza eta material baliabideen lankidetza eta elkarkidetzaz baliatuz. Jomuga hauek lortzeko pertsona bakoitzak lagundu dezake bere gaitasun, trebetasun, giza edo/eta profesional baliabideekin.
Helburuak:
- EZAGUERA
Azterketa eta ikerketaren bidez, suizidioari buruzko ezagupenak lortzea gizarte-fenomeno gisa eta osasun publikoaren arazo bezala, haien ondorioak arintzeko, prebentzioan edota esku-hartzean aurrera egiteko.
- DIBULGAZIOA
Gizarte osoari, suizidioaren prebentzio, krisialdi egoeren esku-hartze eta bizirik atera diren pertsonen tratamenduaren inguruan dauden ezagutzak eta baliabideak zabaltzea, eta horekin batera gertakizun hau agerian jartzea, haren tratamendua normalizatzeko eta bere estigmatizazioa gutxitzeko.
- EKINTZA
Gizarte eta politika alorretan eragina izatea, instituzio eta erakunde publiko eta pribatuekin elkarlanean arituz, suizidioaren, bere prebentzio eta errealitate gogor honetan murgilduta dauden pertsonen asistentziari buruzko neurriak, planak eta programak hartzeko.
Jarduerak:
- Suizidio prozesuarekin eta bere ondorioekin lotutako informazio eta prestakuntza jarduerak antolatzea, hauek bideratu daitezkelarik profesional eta herritar guztiei: Kongresuak, hitzaldiak, konferentzia, jardunaldiak, etab.
- Suizidioari buruzko prebentzio, interbentzio eta postbenztioari buruzko baliabideen bilketa eta zabalkuntza (bibliografia, azterlanak, planak, gidak).
- Suizidioari buruzko ikerketa lanen promozio, babesa edota lankidetza sustatu.
- Instituzio eta erakunde publiko eta pribatuekin elkarlanean aritu planteiatutako helburuak lortzeko.
- Suizidioari buruzko ezagutza-sare bat sortzea, eremu nazional eta internazionalean eta jadanik sortutako sareekin lan egin.
Lan eremuak:
- Komunikabideak: sare sozialak, sarean lan egitea, beste elkarte batzuekin lankidetzan aritzea, etab.
- Sentsibilizazioa: baliabideen landu eta zabaltzea, gidak, etab. Tailer eta hitzaldien eskaintza, artikuluak idaztea; elkarrizketak, etab.
- Prestakuntza: ikastaro eta jardunaldi espezializatuak.
- Ikerketa: azterlanak, ikerketetan parte hartzea, baliabide bibliografikoak biltzea, etab.
- Gizarte-eragina: instituzio eta politika publikoen agentzien partetik, protokolo, plan eta abarreko ekintzak sustatzea.
